chuza! blog

Dende que naceu chuza pensei nun desenrolo secuencial: ir implementando novas “features” segundo fose necesario polo uso/audiencia/comunidade, asi apareceron o fedello, os avatares de usuarios, o tema ese de “quen chuzou isto?”, entre outras pequenas cousas e outras que están por vir. Tamén pouco a pouco a FAQ de chuza foise quedando curta para responder a todas as necesitades de información de uso desta web, polo que fai tempo decidin instalar unha wiki para axudar nesta tarefa. Eu creo que a wiki é o sistema máis versátil para crear colaborativamente a documentación de calquera proxecto e a mediawiki é o sistema máis extendido polo seu uso na wikipedia, de momento moi colaborativa non foi porque estivo basicamente en probas, pero aqui a tedes por se queredes colaborar, ou simplemente vos axuda en algo.

Algunhas páxinas interesantes dentro da wiki de chuza:

• Chuza está en beta, polo tanto hai unha páxina donde podedes apuntar os erros que atopedes: Bugs de Chuza!
• Frases memorables no fedello: cousas que se din no fedello e son reseñables por algunha razon (normalmente o frikismo)
• Smileys que podes usar nos comments e no fedello.
• Como buscar en chuza: botadelle un vistazo, axuda moito

Ben, pois aí vos queda como saberedes unha wiki podemola editar tod*s, pa eso está

Seguindo o desenvolvemento do software de menéame a ultima “feature” que implementada en chuza é información no interior de cada historia da xente que a chuzou (exemplo), espero que vos sexa útil e se non, polo menos que vos quede bonito aí abaixo:

A verdá é que nos 61 dias que leva chuza! na rede galega (official announcement) non me podo queixar da acollida que tivo, aparte das estadísticas que xa coñecemos, da comunidade que estamos montando e da cantidade de historias que enviamos: un monton de xente fala dela nos seus blog, puxo links nas webs e tamén algunha xente fixo pequenas utilidades, imaxes ou sindicou os contidos de chuza nas suas webs, todas estas novas me foron chegando nestes dous meses e todavía non tiven tempo de agradecer e xuntar nun sitio, ben, aquí están:

• J.M. Outeiro d’O reverso fixo o primeiro bookmarklet para chuza unha “especie de link especial” que arrastras a barra de bookmarks do firefox e axuda a enviar historias a chuza!, moi útil, tamén se fixo unha pequena variación ao fío duns comentarios non lembro donde que abre 2 tabs para facilitar o posteo: arrastrade este link a vosa barra de bookmarks no firefox.
• Dorfun: fixo un engadido para o Wordpress para engadir un link de chuza nos posts: Chúzame. Tamen decidiu engadir o feed RSS de chuza na súa sementeira (que está en beta).
• Iarrovawo fixo un botón deses 80×15 para chuza.
• Blogalego facilitou dende o primeiro dia o envio de novas a chuza poñendo un link en cada un dos elementos sindicados.
• Arredemo tamén dende o primeiro dia sindicou os contidos de chuza no seu “redexornal”
• O Servizo de Asesoramento Linguístico do Consello da Avogacía Galega sindica os contidos do tema “lingua” de chuza na súa web.
• Blablablog sindica tamén o contido de chuza na súa sección de novas.

Non sei se me esquezo de alguén (se é así que deixe un comentario). A toda esta xentiña: obrigado!. Unha das cousas nas que estou traballando en chuza! é facer máis sinxela a sindicación dos contidos, pero teño pendente un post sobre próximos proxectos donde contarei esa entre outras movidolas ;).

Olá, estás no blog de chuza!, este é o primeiro post.